ផឹកស្រាស្រវឹង យកពូថៅកាប់ ប្រពន្ធ បណ្តាលឱ្យស្លាប់ភ្លាមៗ
07-April-2016 | ដោយ មែន កំសត់
កោះកុង ៖ បុរសម្នាក់បានផឹកស្រាស្រវឹងរហូតយកពូថៅកាប់ទៅលើស្ត្រីជាប្រពន្ធ បណ្តាលឱ្យស្លាប់ភ្លាមៗនៅនឹងកន្លែង ហើយត្រូវកម្លាំងនគរបាលឃាត់ខ្លួនតែម្តង ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង០៣ និង៣០នាទីរសៀលថ្ងៃទី០៥មេសា ២០១៦ ស្ថិតនៅភូមិព្រះអង្គកែវ ស្រុកស្រែអំបិល ខេត្តកោះកុង។
ប្រភពឱ្យដឹងថា ជនសង្ស័យឈ្មោះម៉ែន សុខខុម អាយុ៤០ឆ្នាំ ជាកម្មករ មានទីលំនៅក្នុងភូមិកើតហេតុខាងលើ និងប្រពន្ធរងគ្រោះឈ្មោះនៅ វិបុល អាយុ៣៣ឆ្នាំ ។
បើតាមប្រភពពីអ្នកជិតខាងថា ជារឿយៗ គ្រួសារនេះ ត្រូវប្តីចាប់ប្រពន្ធវាយរហូត ឱ្យតែស្រវឹងស្រា ហើយត្រូវគេហៅទៅណែនាំ២-៣ដងមកហើយ ប៉ុន្តែមិនបានលទ្ធផលទេ។ លុះនៅថ្ងៃកើតហេតុនោះ មិនដឹងថា ឈ្លោះគ្នាដោយសារអ្វីនោះទេ ជនសង្ស័យផឹកស្រាស្រវឹង ហើយក៏មានទំនាស់ជាមួយប្រពន្ធ ក៏យកពូថៅមកកាប់ប្រហារប្រពន្ធចំត្រចៀក និងថ្គាមស្លាប់ភ្លាមៗតែម្តង ។
ប្រភពបន្តទៀតថា ស្ត្រីរងគ្រោះដែលស្លាប់ទើបសម្រាលកូនបាន៣ខែប៉ុណ្ណោះ ។ ក្នុងហេតុការណ៍ភ្លាមៗ ត្រូវប្រជាពលរដ្ឋជួយប្តឹងសមត្ថកិច្ចឱ្យចុះអន្តរាគមន៍ដែរ តែត្រូវប្តីបានកាប់ប្រពន្ធស្លាប់បាត់ទៅហើយ តែជនសង្ស័យឃាត់ខ្លួនបាន ។ គួរបញ្ជាក់ថា គ្រួសារខាងលើ គឺមានកូនប្រុស-ស្រីរហូតដល់៨នាក់ឯណោះ
ចំនួនអ្នកទស្សនា
- ថ្ងៃនេះ15291
- ម្សិលមិញ15681
- សប្តាហ៍នេះ74131
- ខែនេះ96011
- ឆ្នាំនេះ96011
- សរុប20538467